"Кофем төгүлбөптүр". Депутат Акбөкөн Таштанбеков мэрди "көз тийбесин" деп алкоого алды (видео)

Бүгүн, 9-октябрдагы Жогорку Кеңештин жыйынында депутат Акбөкөн Таштанбеков Бишкек шаарынын мэри Айбек Жунушалиевди мактоого алды.

Ал шаар ичиндеги жолдор жакшы оңдолгонун белгилеп, эми тыгын маселеси гана калганын айтты.

"Жакында унаам менен баратсам, бирөө эле токто деп колун шилтейт. Көрсө, алган кофемди унаамдын үстүнө унутуп кете бериптирмин. Бирок ошол кофем төгүлбөптүр. Жолду сонун кылыптырсыз, урматтуу мэр. Сизге көз тийбесин. Эми бир көйгөй бар, ал тыгын. Бирок, ачыгын айтканда, ал жалгыз эле сиздин колуңуздан келбейт. Анан көлүгүмдү унаа оңдоочу жайга алып барсам "кардарлар азая баштады" деп сизди жамандагандарды көрдүм", - деди Таштанбеков.