Садыр Жапаров Элдик курултайды өткөрүүгө сапаттуу даярдык көрүү тапшырмасын берди

Бүгң, 10-октябрда президент Садыр Жапаров Мамлекеттик катчы Сүйүнбек Касмамбетовду, президенттин жана Министрлер кабинетинин чечимдерин даярдоо боюнча башкармалыгынын башчысы Азамат Кадыралиевди жана Элдик курултайдын катчылыгынын жетекчиси Мыктыбек Абдылдаевди кабыл алды. Бул туурасында мамлекет башчысынын маалымат кызматы кабарлады.

Маалымдалгандай, жолугушуунун жүрүшүндө быйылкы жылы өтө турган Элдик курултайды уюштуруу боюнча маселелер талкууланды.

Мамлекет башчысынын чечими боюнча түзүлгөн уюштуруу комитети календардык планды, иш-чаралар планын жана жер-жерлерде жооптуу жетекчилерди окутуу графигин бекиткени белгиленди.

Жолугушуунун жыйынтыгында Садыр Жапаров кезектеги III Элдик курултайды өткөрүү жөнүндө кабыл алынган жарлыкка ылайык өз убагында тиешелүү сапаттуу чараларды көрүү тапшырмасын берди.

Автор: Замира Ниязбекова