Колдооңорду сезип жаттым... Бивол беттештен кийин күйөрмандарына кайрылды (видео)

Сауд Арабиясында 13-октябрга караган түнү “Жарым оор салмактагы абсолюттук дүйнөнүн чемпиону” наамы үчүн беттеште жеңилүү ызасын тартып калган мушкер Дмитрий Бивол мелдештен кийин кайрылуу жасады.

Мушкер ар бир күйөрманынын колдоосун сезип жаткандыгын айтып, алдыга гана жылуу керек экендигин белгиледи.

“Жалпы мага жан үрөп, колдоого алган күйөрмандарыма ыраазычылык билдирем. Ар бириңиздердин колдооңуздарды сезип, билип жаттым. Колдо бар нерсени кабыл алып, алдыга гана жылабыз”, - деди мушкер.

Белгилей кетсек, Орусиялык мушкерлер Дмитрий Бивол менен Артур Бетербиевдин беттеши Эр-Рияд шаарында уюштурулду. Анда жеңиш курусу калыстардын чечими менен Бетербиевге берилген.