Артур Бетербиев талаштуу беттештен кийин Дмитрий Биволго жаңы кайрылуу жасады

Орусиялык мушкер Артур Бетербиев Дмитрий Биволго Сауд Арабиядагы беттеши үчүн ыраазычылык иретинде кайрылуу жасады.

"Эр-Рияд, меймандостугуң үчүн рахмат! Беттеш учурундагы атмосфера, даярдык үчүн шарттар – баары эң жогорку деңгээлде болду. Дмитрий, мыкты беттеш үчүн рахмат. Мен үчүн кызыктуу болду.

Жакында Сауд Арабиясына кайтып келем деп үмүттөнөм", - деп жазды Бетербиев Телеграм каналына.

13-октябрга караган түнү Эр-Риядда жарым оор салмактагы абсолюттук дүйнөнүн чемпиону наамы үчүн беттеш өтүп, калыстардын чечими менен Бетербиев жеңишке жетти. Биволдун менеджери Вадим Корнилов мушкердин командасы дүйшөмбү күнү 116-112 эсебинде Бетербиевдин жеңишин жазган калыс Павел Кардынинин чечимин талашууну пландап жатканын билдирди.

Автор: Азат Бейшенбеков