Иранда 48 адам жасалма спирт ичимдигине ууланып каза болду

Иранда 48 адам метил спирти бар жасалма алкоголдон ууланып каза болду. Бул тууралуу чет элдик басылмалар жазышууда.

Мазендеран, Гилян, Хамадан жана Зенджан провинцияларында жүздөгөн адамдар уулануу менен ооруканага жаткырылганы белгиленди.

Жергиликтүү бийликтин маалыматы боюнча, Мазендеранда 21, Гилянда 15, Хамаданда 11 жана Зенджанда бир адам каза болгон. Ал эми жабыркагандардын айрымдарынын көзү көрбөй калган.

Жергиликтүү бийлик жасалма спирт ичимдиктерин өндүрүү жана сатуу менен алектенген бир нече адамды кармады. Көрүлгөн чараларга карабастан, кырсыктын масштабы абдан чоң болуп чыкты.

Фото: Интернеттен алынды