Экономика боюнча "Нобель" сыйлыгынын ээлери белгилүү болду

Быйылкы жылы экономика боюнча "Нобель" сыйлыгы америкалык окумуштуулар Дарон Аджемоглу, Саймон Джонсон жана Джеймс Робинсонго ыйгарылды. Бул тууралуу аталган сыйлыктын расмий сайтына жарыяланды.

Маалым болгондой, сыйлык аларга “институттардын калыптануу процесстерин жана алардын экономикалык гүлдөп-өнүгүүгө тийгизген таасирин изилдөөлөрү” үчүн берилди.

Белгилей кетсек, былтыркы жылы бул сыйлык америкалык экономист Клаудия Голдинге эмгек рыногундагы аялдардын абалы боюнча изилдөөсү үчүн ыйгарылган.

"Нобель" сыйлыгы – илимий, маданий же өзгөчө изилдөөлөрдү жараткан инсандарга ыйгарылат. Сыйлык швециялык химик Альфред Нобелдин наамынан аталып калган. Лауреаттарга тапшырылган медалдар алтындан жасалып, салмагы 175 граммды түзөт.

Автор: Айжанар Рыспек кызы
Фото: Интернеттен алынды