Өлкөнүн эки спортчусу Пенчак Силат спорту боюнча Азия чемпиондугунан алтын алышты

Кыргызстандын Пенчак Силат боюнча улуттук курама командасы Азия чемпиондугунда 5 медаль жеңди. Бул туурасында бүгүн, 16-октябрда Дене тарбия жана спорт департаментинен билдиришти.

Маалымдалгандай, спортчулар жеңген медалдардын экөө алтын, үчөө күмүш.

Чоңдор арасында 70 килограммга чейинки салмак категориясында Алижан Аблагатов жана кыздар арасында 30 килограммга чейинки салмак категориясында Арууке Бикбоева Азия чемпиондору болушту.

Ошондой эле Бексултан Алыбеков, Темир Бикбоев жана Азат Бейшенбеков өз салмак категорияларында 3-орунду ээлешти. Курама башкы машыктыруучу Каныбек Бикбоевдин жетекчилиги алдында мелдешке катышты.

Айта кетсек, мелдеш 7-16-октябрь күндөрү Өзбекстандын Бухара шаарында өткөн.

Маалымат үчүн: Пенчак Силат - Индонезиянын улуттук спорту. Кыргызча "куралсыз кармашуу" дегенди түшүндүрөт.

Автор: Замира Ниязбекова