Кытай АКШ менен достошууга даяр экенин билдирди

Кытайдын төрагасы Си Цзиньпин Кытай менен АКШнын ийгиликтүү өнөктөштүгү эки өлкө үчүн тоскоолдуктарга эмес, бири-биринин өнүгүүсүнө жардамчы болууга мүмкүнчүлүк экенин айткан. Бул тууралуу чет элдик басылмалар жазышууда.

"Кытай АКШнын өнөктөшү жана досу болууга даяр. Бул эки өлкөгө гана эмес, бүткүл дүйнөгө пайда алып келет”, - деп Си Цзиньпин АКШ-Кытай мамилелери боюнча улуттук комитеттин жылдык сыйлык тапшыруу аземинде сүйлөгөн.

Эки өлкө буга чейин улуттук коопсуздук маселелери, соода талаштары, ошондой эле Кытайдын Түштүк Кытай деңизиндеги аракеттери жана Тайвандын жанындагы аскердик машыгуулары боюнча пикир келишпей жүрүшкөн.

Соода мамилелери өткөн жылы начарлап, электр унааларына жана алдыңкы жарым өткөргүчтөрдү чектөө сыяктуу маселелер болгон.

"Кытай ар дайым АКШ менен өз ара урматтоо, тынчтыкта жанаша жашоо жана утушка ээ кызматташуу принциптерине ылайык мамилени сактап келген жана Кытай менен АКШнын ийгилиги бири-бири үчүн мүмкүнчүлүк деп эсептеп келген", - деп кошумчалаган Си.