Атактуу футболчу Килиан Мбаппе 6 жылга түрмөгө кесилиши мүмкүн

Мадриддик "Реалдын" чабуулчусу Килиан Мбаппе акыркы чуулгандуу жаңжалга күнөөлүү деп табылса, алты жылга чейин эркинен ажыратылышы мүмкүн. Бул тууралуу чет элдик спорттук басылмалар жазышты.

Швециянын мыйзамдарына ылайык, франциялык футболчу кызды зордуктаганы далилденсе, анда 6 жылга эркинен ажыратылат. Белгилей кетсек, Мбаппе чындап эле шектүүлөрдүн тизмесинде бар.

Эскерте кетсек, буга чейин Швеция полициясы Килиан Мбаппе жана анын досторунун Стокгольмдогу мейманканалардын бириндеги зордуктоо фактысын иликтей баштаган. Футболчунун өзү бул маалыматты "фейк" деп атаган.

Автор: Азат Бейшенбеков