Нигерияда бензин ташыган унаа жарылып, 147 адам каза тапты

Нигерияда күйүүчү май ташыган унаанын жарылуусунан каза болгондордун саны 147ге жеткенин, дагы 100гө жакын адам ооруканага жаткырылганын чет элдик басылмалар жазышууда.

Маалыматтарга караганда, кырсык 15-октябрга караган түнү Жигава штатында болгон. Анда күйүүчү май ташыган унаа оодарылып кетип, жергиликтүү эл күйүүчү майды чогултуп баштаганда жарылуу орун алган. Полиция ал учурда элди токтотууга аракет кылган, бирок алар баш ийишкен эмес. Ал эми күйүүчү май ташыган унаанын айдоочусу кармалган.

Нигерияда мындай окуя сентябрь айында да болгон. Анда күйүүчү май ташыган унаа менен жүк ташуучу унаа кагышып, 59 адамдын өлүмүнө алып келген.

Автор: Кылымбек Бейшеев
Фото: Интернеттен алынды