G7 өлкөлөрү Украинанын НАТОго кошулушун колдошту

Чоң жетиликтин коргоо министрлери Украинанын толук европалык интеграцияга, анын ичинде НАТОго мүчөлүгүн колдошту. Бул тууралуу Неаполдогу жолугушуунун жыйынтыгы боюнча коргоо ведомстволорунун жетекчилеринин билдирүүсүндө айтылды.

"Биз Украинанын эркиндигин, эгемендүүлүгүн, көз карандысыздыгын жана аймактык бүтүндүгүн зарыл болгон убакытка чейин колдообузду дагы бир жолу ырастайбыз. Биз ошондой эле Украинага жардам көрсөтүүнү, анын ичинде аскердик жардамды кыска жана узак мөөнөттүү берерибизди баса белгилейбиз", - деп айтылат министрлердин биргелешкен билдирүүсүндө.

Италиянын төрагалыгы астында өткөн G7 саммитине Америка Кошмо Штаттары, Канада, Улуу Британия, Франция, Германия жана Япония катышты. Мындан тышкары, Неаполдогу сүйлөшүүлөргө Евробиримдиктин, НАТОнун өкүлдөрү жана Украинанын коргоо министри Рустем Умеров да катышты.

Автор: Азат Бейшенбеков