Криштиану Роналду футбол боюнча жаңы рекорд койду

Сауд Арабиянын "Аль-Наср" футболдук клубунун чабуулчусу Криштиану Роналду "Аль-Шабаб" клубуна каршы оюнда карьерасындагы 907-голун киргизип, жаңы рекорд койду.

Муну менен Роналду расмий беттештерде көп гол киргизген тарыхта биринчи футболчу болуусун дагы бекемдеди. Ал "Спортингде" беш, "Манчестер Юнайтедде" 145, "Реалда" 450, "Ювентуста" 101, "Аль Насрда" 73 жана улуттук курамада 133 гол киргизген.

Бүгүнкү күндө чабуулчу футбол тарыхында, улуттук командаларда, Европа чемпионатында, Чемпиондор Лигасында жана Клубдар арасындагы Дүйнө чемпиондугунда эң мыкты бомбардир бойдон калууда.

Футболчунун сауд арабиялык клуб менен учурдагы келишими кийинки жайга чейин күчүндө.

Автор: Азат Бейшенбеков