Бүгүн дүйнө чемпиондугунда Кыргызстандын беш балбаны килемге чыгат

Бүгүн, 21-октябрь күнү Албаниянын Тирана шаарында грек-рим, эркин жана кыз-келиндер арасындагы күрөш боюнча мелдештер башталды. Килемде грек-рим күрөшү боюнча 60, 67, 72, 82, 97 килограмм салмак категориясында беттештер өтөт. Бул туурасында Дене тарбия жана спорт департаментинин маалымат кызматы билдирди.

Маалымдалгандай, Кыргызстандын атынан беш балбан килемге чыгат.

60 килограммдык салмактагы Акыл Сулайманов грузиялык Абуладзе Придон менен беттешет;
67 килограммдык салмактагы балбан Раззак Бейшекеев Албаниянын күрөшчүсү Даниель Дажаниге чыгат;
72 килограммдык салмактагы Адилхан Нурланбеков Түркиядан барган Мухаммед Гөчмен менен беттешет;
82 килограммдык салмактагы Бекзат Оркул уулу Армениянын балбаны Самвел Григориянга чыгат;
Ал эми 97 килограммдык салмактагы Нурмамбет Раймалы уулу болсо Хорватия менен Сербиянын балбандары менен күч сынашат.