Кыргыз волейболчулары Түркмөнстанды дагы утуп алды

Кыргызстандын волейбол боюнча улуттук курама командасы Ташкентте өтүп жаткан Орто Азия чемпионатында (CAVA) ийгиликтүү ат салышууда.

Бүгүн, 22-октябрда биздин команда Түркмөнстанды 3:1 эсебинде жеңип, турнирде алдыңкы орунду ээлеп, финалдык бөлүккө жолдомо алды. Кийинки оюнун кыргыз волейболчулары Ооганстанга каршы өткөрөт.

Буга чейин Кыргыз курама командасы Мальдив аралдары жана Тажикстандын командаларын 3:0 эсебинде ишенимдүү жеңип, мелдештин кожоюндары Өзбекстандын курама командасы менен кыйыын беттеште да (3:2) жеңишке жетишкен.

Автор: Азат Бейшенбеков