Бишкекте Батыш автобекети жабылды

Бишкекте Алмата 1/1 дарегинде жайгашкан “Бишкек автобекети” муниципалдык ишканасы штаттык режимде ишин улантууда. Бул тууралуу бүгүн, 23-октябрда Бишкек мэриясынан билдиришти.

Маалым болгондой, бүгүндөн тартып батыш автобекети, анын ичинде "Ак-Жол" кичи автобекети ишин толугу менен токтотуп, аны көчүрүү боюнча иш жүргүзүлдү.

Буга чейин батыш автобекети жана "Ак-Жол" кичи автобекети тейлеген бардык каттамдар "Бишкек автобекети" муниципалдык ишканасынын жаңы автобекетинен каттачу.

"Урматтуу шаар тургундары жана меймандары! Жол жүрүүнү пландаган болсоңүз, чыгыш багындагы каттамдар Алмата 1/1 дарегинде жайгашкан “Бишкек автобекети” муниципалдык ишканасынын жаңы автобекетинен кетет. Батыш аймактарга кеткен каттамдар Фрунзе көчөсү, 209 (РИОМ Унаа базарынан кийин) дарегинен жөнөйт", - деп айтылат маалыматта.

Белгилей кетсек, "Бишкек автобекети" муниципалдык ишканасы эл аралык, шаар аралык, облустук жана шаар четиндеги каттамдарды тейлейт.