Бишкекте Горький көчөсүндөгү жолду оңдоо иштери аяктады

Бишкек шаарында Горький көчөсүндөгү капиталдык оңдоо иштери аяктады. Жол кыймылы үчүн толугу менен ачык. Бул тууралуу маалыматты бүгүн, 7-ноябрда Бишкек мэриясынан тастыкташты.

Маалымдалгандай, Горький көчөсүн Ч.Айтматов проспектисинен 7-апрель көчөсүнө чейин оңдоо пландалган.

Ага ылайык, 2025-жылы Бишкек шаарынын мэриясы Горький көчөсү менен 7-Апрель көчөсүнүн кесилишине жол өтмөк курууну пландап жаткандыктан, 7-Апрель көчөсүнө чейинки чакан тилкеде оңдоо иштери жүргүзүлгөн эмес.

Белгилей кетсек, Горький көчөсүн капиталдык оңдоо 29-июлда башталган.