Эрдоган Трамптын шайлоо алдындагы убадасын аткаруусун каалаарын айтты

Түркиянын лидери Режеп Тайып Эрдоган АКШдагы президенттик шайлоодо жеңген Дональд Трамп менен Жакынкы Чыгыштагы окуяларды, өзгөчө Израилдин аракеттерин талкуулоо ниети бар экенин айтты. Ал бул тууралуу Будапеште өткөн Европа саясий коомчулугунун саммитинен кайтып келгенде журналисттерге билдиргенин РИА Новости жазды.

"Менимче, бул багытта эч кандай кыйынчылыктар болбойт. Трамп Израил баштаган бул кагылышууларды токтотууну убада кылганын билесиздер. Биз бул убаданын аткарылышын каалайбыз", - деген ал.

Эрдоган түрк тарап тынчтыкты жактай турганын белгилеп, "Израил менен Палестина маселесинде Байдендин саясатын улантуу кырдаалды ого бетер курчутат" деп кошумчалаган.

Автор: Кылымбек Бейшеев
Фото: Интернеттен алынды