Амстердамда израилдиктерге кол салуудан кийин ондогон адамдар кармалды

Нидерландынын борбору Амстердамда израилдиктерге болгон кол салуудан кийин ондогон адамдар кармалганын чет элдик басылмалар өлкөнүн полициясына таянып жазып чыгышты.

Маалыматтарга карганда, тополоңго байланыштуу 62 адам кармалган. Ал эми кол салуудан кеминде 10 израилдик жаракат алганы, 3 Израил жараны дайынсыз болуп жатканы айтылууда.

Буга чейин Европа Лигасынын алкагында Амстердамда жергиликтүү "Аякс" клубу менен Израилдин "Маккаби" клубунун ортосундагы футбол беттешинен кийин израилдик күйөрмандарга массалык кол салуу орун алган.

Автор: Кылымбек Бейшеев
Фото: Интернеттен алынды