"Биз коңгуроо кагышыбыз керек". Депутат 2025-жылды "Түтүн менен күрөшүү жылы" деп атоону сунуштады (видео)

Бүгүн, 27-ноябрда Жогорку Кеңештин жыйынында депутат Камила Талиева саламаттыкты сактоо министри Алымкадыр Бейшеналиевди Бишкектеги түтүндөн улам коңгуроо кагууга чакырды.

"Лондондо 1952-жылы 13 миң адам түтүндөн каза болгон. Мен түн ичинде командировкадан кайтып келдим, дем алууга мүмкүн эмес, түтүн. Сиз мамлекеттик органдарды жана массалык маалымат каражаттарын "Дени сак калк керек. Жардам бергиле" деп жардамга чакырыңыз. Мен ӨКМ, Экология министрлиги менен бирдикте иш жүргүзүп жатканыңызды уккан жокмун", - деди Талиева.

Ал эми саламаттыкты сактоо министри Бейшеналиев бул багыттагы иштер мамлекеттик чоң программанын негизинде жүргүзүлүп жатканын айтты.

"Коңгуроо кагышыбыз керек! 2025-жылды "Экология жана түтүн менен күрөшүү жылы" деп атаса болот. Эгер жарандардын ден соолугуна кайдыгер карабасаңар күрөштү баштагыла! Эч нерсе кылбасак, улгайган жарандарыбыз ооруп калат. Кытайда 2012-жылы көп профилактикалык иштер болгон. 2013-жылы да түтүн болгон, бирок азыр карагыла, он жылдын ичинде аны жеңе алышты, түтүн жок", - деп кошумчалады Талиева.