Ысык-Көл облусунда турак жайын камсыздандырган 4 үй-бүлөгө 500 миңден жардам берилди

Бүгүн, 27-ноябрда Ысык-Көл облусунда авариялык абалдагы үйлөрдү калыбына келтирүү максатында Мамлекеттик камсыздандыруу уюму тарабынан төрт үй-бүлөгө каражат берилди. Бул туурасында аталган мекеменин маалымат кызматы SUPER.KG порталына билдирди.

Маалымдалгандай, төлөмдөр турак үйүн камсыздандырган жарандарга жардам иретинде бөлүндү. Жалпы төрт үй-бүлө 500 миң сомдон камсыздандыруу төлөмдөрүн алышты.

Белгиленгендей, буга чейин мамлекеттик уюм Ысык-Көл облусунда турак жайлары селден жабыркаган 11 үй-бүлөгө каражат берген. Жалпы 24 үй-бүлө жаратылыш кырсыгынан жабыркагандыгы маалыматта кошумчаланган.

Иш-чарага МКУнун төрагасы Эльдияр Калдарбеков баштаган жетекчилер, Ысык-Көл районунун акими Жапар Ормонов жана жабыркаган үй-бүлөлөр катышкан.

Автор: Замира Ниязбекова