"Унааларын токтотуп эле кетип жатышат". Жогорку Кеңеште Бишкектеги газ маселеси көтөрүлдү

Бүгүн, 28-ноябрдагы Жогорку Кеңештин жыйынында депутат Бактыяр Калпаев өлкөдө газга болгон тартыштык жаралганын айтып, өкмөттөн маселени чечүүнү талап кылды.

Ал газ толтуруучу жайларда көгүлтүр от менен жүргөн унаалардын узун кезеги жаралып жатканын белгиледи.

"Экологияны сактайбыз деп унаалардын көбүн газга өткөрдүк эле. Бүгүнкү күндө Бишкек боюнча эч жерде газ жок. Ошондуктан нефтетрейдерлер менен чогуу иш алып барып, бир тартипке салсак. Анткени 10 миңдеген унаалар газ менен жүрөт. Ошол эле убакта январь айынан тартып газдын баасы 7 сомго кымбаттаптыр. Баасы кымбаттаган күндө дагы газ жок болуп жатат. Көптөр унаасын май куюучу жайларга, көчөлөргө токтотуп коюп кетип жатышат", - деди Калпаев.