Астанада Путиндин сапары маалында көчө экранында Украинанын желеги пайда болду (видео)

Орусиянын президенти Владимир Путин кечээ, 27-ноябрда Астана шаарына барган маалда көчө экранында Орусиянын желегинин ордуна Украинанын желеги пайда болду. Бул тууралуу казак телеграм каналдары жазышты.

Окуя кечээ, 27-ноябрь күнү кечинде болгон. Анда Путин келген маалда шаардагы "Астана Опера" театрынын жанына орнотулган LED экранга Украинанын желеги чыккан. Экран көп өтпөй эле өчүрүлгөн.

Казакстандын Ички иштер министрлигинин маалыматы боюнча, жарнамалык экран «Керуен Медиа» ЖЧКсына таандык. Бул боюнча кылмыш иши козголду.

Ал арада Казакстандын Мамлекеттик техникалык кызматы Астанадагы LED экран хакердик чабуулдун натыйжасында бузулганын жарыялады.