Хабиб Нурмагомедов Конор Макгрегордун чатагы тууралуу билдирүү жасады

UFC уюмунун жеңил салмактагы мурдагы чемпиону, жеңилбес орусиялык Хабиб Нурмагомедов элдешкис атаандашы болгон ирландиялык мушкер Конор Макгрегорго соттук иштери үчүн каражат чогултуу идеясын колдоду.

Нурмагомедов социалдык тармактагы баракчасына: "Азаматсыздар, мен силерди толук колдойм, бул бала жазага татыктуу", - деп жазды.

Эскерте кетсек, Макгрегор сексуалдык зомбулук боюнча күнөөлүү деп табылган. Азыр мушкер жабырлануучуга 250 миң евро өлчөмүндө компенсация төлөшү керек. Макгрегор жабырлануучу менен жыныстык катнашта болгонун тастыктады, бирок баары өз ара макулдук менен болгонун айтты.

Ирландиянын Жогорку соту Макгрегорду күнөөлүү деп тапкандан кийин дароо эле каражат чогултуу сайты түзүлгөн.

Автор: Азат Бейшенбеков