Рамзан Кадыров медаль менен сыйланды

Чеченстандын башчысы Рамзан Кадыров “Федералдык сот аткаруучулар кызматын өнүктүрүүгө кошкон салымы үчүн” ведомстволук медалы менен сыйланды. Сыйлыкты ФСАКтын директору Дмитрий Аристов алып барганын Коммерсант басылмасы жазды.

"Дмитрий Аристов мага ведомстволук медаль тапшырды. Мен өз кезегинде ага эстелик сүрөт тартууладым", - деп жазды Кадыров Telegram каналында.

Ал жолугушууда жергиликтүү сот аткаруучулардын иши жана республиканын жергиликтүү тургундарынын атайын аскердик операцияга (СВО) катышуусу талкууланганын кошумчалады.

"Мен биздин башкармалык салык карыздарын жана консолидацияланган бюджетке жыйымдарды өндүрүү боюнча биринчилерден болуп жатканын белгиледим", - деди Рамзан Кадыров.

Ошондой эле ал Аристовдон башкармалыктын кызматкерлеринин санын көбөйтүү маселесин чечүүгө көмөк көрсөтүүнү өтүндү.

Автор: Бек Оморбеков