"Аны күчтүү толкун аскадан кулатып жиберген". Таиландда орусиялык туристти толкун алып кетти (видео)

Окуя Таиланддын Самуи пляждарынын биринде болгон. Бул тууралуу чет элдик басылмалар жазышууда.

Маалым болгондой, бүгүн, 29-ноябрда эртең менен бороон-чапкын тууралуу эскертүү жарыяланган. Кечке жуук ал жерге 24 жаштагы орусиялык турист Камилла Беляцкая келип, аскага чыгып, йога килемин жайып, толкундарга суктанып отурганда кызды толкун таштан кулатып, суунун астына алып кеткен.

Куткаруучулар туристке жардам берүүгө аракет кылышкан, бирок катуу бороон болгондугуна байланыштуу аны куткарып кала алышкан эмес.