Бишкекте он айда автобустар катышкан 300дөн ашуун жол кырсыгы катталды

"Бишкек шаардык транспорт" муниципалдык ишканасында мэр Айбек Жунушалиев менен ишкананын кызматкерлеринин жолугушуусунда он айда автобустун катышуусунда 329 жол кырсыгы катталганы айтылды.

Транспорт жана жол-транспорттук инфраструктуралык түзүмдү өнүктүрүү департаментинин директору Улан Бейшенбаев муниципалдык автобустардын катышуусундагы кырсыктар боюнча маалымат берди.

Анын айтымында, үстүбүздөгү жылдын 10 айында 329 жол кырсыгы катталса, анын 169у муниципалдык автобустун айдоочуларынын күнөөсүнөн, 160 учур экинчи тараптын күнөөсүнөн улам болгон.

Белгилей кетсек, жыйында одоно жол эрежесин бузган 24 айдоочу иштен алынып, айрым бөлүм башчыларына сөгүш жарыяланган.