ИИМ: Кызын сабаган атаны Майлуу-Суу шаардык милициясы камакка алды

Кызын чыбык менен ур-токмокко алган ата кармалды. Бул туурасында ИИМдин басма сөз кызматы билдирди.

Маалымдалгандай, Майлуу-Суу шаардык милицияга 1988-жылы туулган О.К. аттуу тургуну арыз менен кайрылган. Анда 14-ноябрда жолдошу эч бир себепсиз уруп үйүнөн кууп чыгып, ал чоң кызы менен кеткенин айткан. Ал арада жолдошу 2019-жылы туулган М.Ж. аттуу кызын токмоктоп, аны видеого тартып, аялын үйгө келүүнү буйруганын билдирген.

Бул факты боюнча Ноокен райондук милициясы тарабынан тергөөгө чейинки текшерүү иштери башталган. Натыйжада 1983-жылы туулган К.Т. аттуу жаран камакка алынган.

Аталган окуя боюнча аялга жана балдарга соттук-медициналык, соттук психолого-психиатриялык экспертизалар дайындалган.

Учурда тергөө амалдары жүрүп жатат.

Автор: Замира Ниязбекова