Бишкекте таштанды урнадан табылган ымыркайдын абалы айтылды

Бишкекте таштанды салынган урнадан табылган ымыркайдын абалы туруктуу оор деп бааланууда. Бул тууралуу бүгүн, 29-январда Саламаттык сактоо министрлигинен билдиришти.

Ага ылайык, наристе кечээ, 28-январда Бишкектеги №3 балдар ооруканасына жеткирилген. Учурда жандандыруу бөлүмүндө. Абалы туруктуу оор деп бааланууда. Ымыркай айына жетпей төрөлгөнү аныкталган.

Бүгүн, 29-январда Ленин РИИБи наристе Интергельпо көчөсүндөгү таштандыдан мектеп окуучулары таап алганын маалымдашкан.

Милиция наристе тирүү табылганын кошумчалаган. Учурда кылмыш иши козголуп, наристенин энеси изделүүдө.

Автор: Айжанар Рыспек кызы
Фото: интернеттен алынды