Жети-Өгүздө көлдүн жээгиндеги спорт лагери мамлекетке кайтарылды

Ысык-Көлдүн Жети-Өгүз районунда спорт лагери мамлекетке кайтарылды. Бул тууралуу бүгүн, 12-мартта УКМКдан билдирди.

Маалыматка ылайык, Кызыл-Суу айыл аймагында көлдүн жээгинде жайгашкан спорт лагеринин 162,2 чарчы метр имараты жанаша жайгашкан 213,67 чарчы метр жер тилкеси менен мамлекеттик менчикке кайтарылып берилди.

Аталган спорт лагери 2003-жылы жеке менчикке мыйзамсыз чыгарылганы аныкталган. Мындан улам азыркы менчик ээлери өздөрүнүн мүлктөрүнө ээлик кылуунун мыйзамсыздыгын түшүнүп, ыктыярдуу негизде мамлекетке өткөрүп беришкен.

Автор: Бек Оморбеков
Фото: УКМКнын басма сөз кызматы