Трамп 185 өлкөгө, анын ичинде Кыргызстанга дагы бажы төлөмдөрүн киргизгенин жарыялады

Бүгүн, 3-мартка караган түнү АКШнын президенти Дональд Трамп дүйнө жүзүндөгү өлкөлөр үчүн бажы төлөмдөрүнүн тарифтерин жарыялады. Алардын катарын Кыргызстан да толуктайт.

Трамптын айтымында, "ондогон жылдар бою" АКШ башка өлкөлөргө соода тоскоолдуктарын азайтып, ошол эле учурда бул өлкөлөр америкалык товарларга эбегейсиз бажы төлөмдөрүн киргизген.

Ал өз сөзүндө бир катар өлкөлөрдөн келген товарлардан алынган бажы төлөмдөрүнүн таблицасын көрсөттү. Анда АКШ Евробиримдиктен - 20 пайыз, Кытайдан - 34, Улуу Британиядан - 10, Вьетнамдан - 46 жана Индиядан 26 пайыз импорттолгон товарларга тарифтерди киргизип жатканын көрсөттү.

Кийинчерээк Ак үй Кыргызстан, Өзбекстан, Тажикстан жана Түркмөнстан кирген тарифтердин толук таблицасын жарыялаган. Бул Борбор Азия өлкөлөрү үчүн 10 пайыз бажы алымдары киргизилген, анткени бул мамлекеттерде АКШдан келген товарлардын тарифтери окшош.

Автор: Замира Ниязбекова