Казакстандын президенти Касым-Жомарт Токаев "Яндекс Global'дын" келечек пландарын талкуулады

Коңшу Казакстандын президенти Касым-Жомарт Токаев "Яндекс Global'дын" келечек пландарын талкуулады.

Жолугушууда платформаларды жумуш менен камсыздоо, ЖИ-технологиясы жана казак тилин өнүктүрүү жаатындагы демилгелерге өзгөчө көңүл бурулду.

Казак президентинин расмий сайтынын маалыматына караганда, президент Касым-Жомарт Токаев «Яндекс Global» башчысы Даниил Шулейко менен жолугушууда Yandex Qazaqstan санарип трансформациянын чакан жана орто бизнести колдоосун, ошондой эле жарандардын жашоо сапатын жакшыртууга кошкон өзгөчө салымын жогору белгиледи. Өзгөчө платформада иш менен камсыздоо жана жасалма интеллект технологияларын өнүктүрүү тармагындагы демилгелерге көңүл бурулду.

Мындан тышкары маданий мурасты алдыңкы технологиялар менен айкалыштыруу маселелери каралды. Президент жасалма интеллекттин тез өнүгүүсүнүн шартында маданий өзгөчөлүктү сактоо, ошондой эле казак тилин жана маданиятын санариптик мейкиндикте жайылтуу өзгөчө мааниге ээ экендигин баса белгиледи.

Өз кезегинде Даниил Шулейко платформада иш менен камсыздоо боюнча пилоттук долбоордун негизинде «Яндекс. Таксинин» 65 миңден ашык айдоочу-өнөктөшү социалдык камсыздандыруу алгандыгын билдирди. 2024-жылы Казакстандын экономикасына салык чегерүүлөр 29,5 млрд тенгени түзгөн, ал эми компаниянын 2016-жылдан берки инвестицияларынын жалпы көлөмү 225 млрд тенгеден ашкан. «Яндекс Global» башчысы Астанадагы пилоттук инновациялык долбоорлорду ишке ашыруу пландары жөнүндө айтып берип, компаниянын AI-Sana программасына катышып жаткандыгын тастыктады.