Бахрия университетине кыргызстандык студенттерди кабыл алуу башталды

Пакистандын элчилиги ушул жылдын күзгү семестринде Бахрия университетине окууга чет өлкөлүк студенттерден арыздарды кабыл алуу башталгандыгын маалымдады.

Бахрия университети – бул көп тармактуу мамлекеттик жогорку окуу жайы. Анда бакалавриат жана магистратура деңгээлинде төмөнкү багыттар боюнча билим берет: компьютердик илимдер, укук, психология, медицина, стоматология жана башка адистиктер.

Чет элдик студенттер үчүн төмөнкү мүмкүнчүлүктөр каралган:

арыз тапшыруу акысыз;
окуу акысы жергиликтүү студенттердики менен бирдей;
кабыл алуу талаптары да жергиликтүү студенттер менен бирдей;
документтерди тапшыруу толугу менен онлайн жүргүзүлөт.

Эскерте кетсек: Бул мүмкүнчүлүктөр медицина жана стоматология багытындагы программаларга тиешелүү эмес.

Арыздар 31-июлга чейин кабыл алынат. Арыздарды университеттин бардык кампустарына (Исламабад, Лахор, Карачи жана Кесиптик психология институту) онлайн режимде берүү керек.

Кошумча маалымат жана онлайн тапшыруу боюнча маалымат шилтемеде.

Автор: Айжанар Рыспек кызы
Фото: интернеттен алынды