Япония туристтер үчүн кирүү эрежелерин катаалдаштырууда

Япония чет элдик туристтер үчүн жаңы кирүү эрежелерин ишке ашырууну пландап жатат. Бул тууралуу Skift туризм жөнүндө медиа компаниясы билдирди.

Маалыматка ылайык, өзгөрүүлөрдүн максаты - өлкөнүн саламаттыкты сактоо системине түшкөн каржылык басымды азайтуу жана туристтик агымдан келип чыккан көйгөйлөрдү көзөмөлдөө.

Негизги өзгөрүүлөр:

Медициналык камсыздандыруу – милдеттүү шарт

Японияга кирүү үчүн эми туристтерде жарактуу жеке медициналык камсыздандыруу болушу керек. Камсыздандыруусу жок адамдарга өлкөгө кирүүгө уруксат берилбеши мүмкүн. Бул талапты киргизүүнүн себеби - туристтердин дарыланып, бирок эсепти төлөбөй кетип калышы болгон.

Дарылануу үчүн карыз калтыргандарга тыюу

Эгер турист Японияда дарыланып, эсепти төлөбөй кеткен болсо, ага кайра келүүгө уруксат берилбейт. Мындан тышкары, ооруканалар карыз тууралуу маалыматты миграция кызматтарына бере алышат, ал эми миграция органдары карыздар тизмесине жеткиликтүүлүк алат.

Tax free (салыксыз сатып алуулар) тартиби өзгөрөт

2026-жылдын 1-ноябрынан баштап:
• Сатып алуу учурунда 10 пайыз салык дүкөндө дароо төлөнөт;
• Салыкты кайтарып алуу үчүн аэропортто өзүнчө арыз берүү талап кылынат;
• Почта менен жөнөтүлгөн буюмдарга tax free каралбайт, товарды жеке өзүңүз бажы кызматкерлерине көрсөтүшүңүз керек.

Japan ETA – электрондук уруксат
71 визасыз өлкөнүн жарандары (АКШ, Канада, Улуу Британия жана башка) эми жөнөкөй онлайн анкета толтурушу керек. Бул Кореядагы K-ETA же Канаданын eTA системине окшош.

Эмне кылуу керек?

Японияга сапар пландап жатсаңыз: