Орусия Украинага курман болгон 1212 украин аскеринин сөөгүн өткөрүп берди

Украинанын согуш туткундарын дарылоо боюнча координациялык штаб Орусия 1212 украин аскеринин сөөгүн кайтарып бергенин билдирди. Алардын көпчүлүгү Курск, Запорожье жана Херсон облустарында курман болгондор. Бул тууралуу чет элдик басылмалар жазышууда.

"Комсомольская правда" гезитинин согуштук кабарчысы Александр Коц өз булагына таянып, украин тарап дагы орусиялык 27 аскер кызматкеринин сөөгүн өткөрүп бергенин билдирди.

Айта кетсек, 2-июнда Стамбулда өткөн сүйлөшүүлөрдүн экинчи айлампасында Орусия Украинага 6 миң аскер кызматкеринин сөөгүн бир тараптуу өткөрүп берүүнү макулдашты. Орус делегациясынын башчысы Владимир Мединский Орусия 7-июндан 9-июнга чейин бул иштерди ишке ашырууга даяр экенин билдирген.

Ал эми 9-июнда Орусия менен Украина 25 жашка чейинки согуш туткундарын, 10-июнда туткунга түшкөн жарадар жоокерлерин алмашты.

Автор: Замира Ниязбекова