ӨКМ кызматкери тарабынан сабалган аялдын окуясы Кыргызстанда болгон эмес

Социалдык желеде жолдошу тарабынан сабалган аялдын окуясы тарап, ур-токмокко алган жаран ӨКМдин кызматкери экендиги айтылууда.

Коомчулукка тарап жаткан бул окуя боюнча, бүгүн, 2-июлда Кыргызстандын Өзгөчө кырдаалдар министрлиги расмий маалымат таратты.

"Учурда өлкөдө күйөөсү тарабынан сабалган Валерия аттуу аял тууралуу маалымат тарап жатат. Ал окуя Орусиянын Якутск шаарында орун алганын белгилейбиз. Арызданган аял якут улутунан. Бул окуя Кыргызстандын Өзгөчө кырдаалдар министрлигине эч кандай тиешеси жок. Министрлик мындай зордук-зомбулуктарга каршы",- деп белгиленген маалыматта.

Автор: Замира Ниязбекова