Ардактуу замандаш, SUPER.KG медиа порталы мындан ары күн сайын сиздерге жылдыз төлгөнү сунуштап турууну чечти. Астрологдордун божомолун окуп, жаңы күнгө кеңештерди алып туруңуз. Бирок астрологдор жөн гана божомолдой турганын, ага ишенүү же ишенбөө ар бирибиздин өз эркибиз экенин баса белгилеп өткүбүз келет.
Бүгүн 9-июлга карата жазылган жылдыз төлгөнү окуп, сизге берилген түрдүү белгилерге маани бериңиз. Бул күнү сизди кандай кызыктар күтүп жатат астрология жагынан изилденген жылдыздардын жооптору менен бөлүшөбүз.
Кой
(21.03–20.04)
Бүгүн, кой жылдызы үчүн сүйүүдө жолу болот. Сизди камкордук жана назиктик курчап турат. Бирок жумушта анчалык жолуңуз болбойт. Жетекчиңиз же кесиптештериңиз менен татаал сүйлөшүүлөр болушу күтүлөт. Бул кырдаалды тынч жана сабырдуулук менен чечкени аракет кылыңыз. Кой жылдызына бүгүн талыкпай эмгектенүү сунушу берилет.
Букачар
(21.04–20.05)
Бүгүн букачарлар амбициялары менен алдыга жылат. Бирок баары ойдогудай боло бербейт – маал-маалы менен тоскоолдуктар пайда болот. Сиз аларга туруштук бересиз, бир аз аракет жасап коюңуз. Букачар жылдызына бүгүн азыраак сүйлөшүү сунушталат, айрыкча бизнес темасында. Анткени жаныңыздагы адам ар бир сөзүңүздөн кемчилик издеши мүмкүн.
Эгиздер
(21.05–21.06)
Бүгүн эгиздер эч жакка шашпашы керек - иштин тынч агымынан ырахат алыңыз, мунун жагымдуу жагы да көп. Сүйлөшүүлөрдү кийинкиге жылдырып туруңуз. Эгиздер жылдызына бүгүн күнүмдүк үйдөгү иштерге аралашуу сунушталат - бул ойлоруңузду бир калыпка келтирип иреттегенге жардам берет.
Бөйөн
(22.06–22.07)
Бөйөндөр муз үстүндөгү балыктай эле унчукпашы керек – биринчиден, кимдир бирөөнүн сырын ачып алышыңыз мүмкүн, экинчиден, маектешиңиз менен урушуп кетүү коркунучу бар. Кесиптештер менен кичине сүйлөшүп, өзүңүздүн ишиңизди жасаганыңыз оң. Бөйөн белгиси үчүн жаңы нерсени үйрөнүп, китеп колго алуу сунушталат - сиз сонун тажрыйбага ээ болосуз, көп нерсени үйрөнөсүз.
Арстан
(23.07–23.08)
Арстандар жаңы башталыштардан алыс болушу керек – бул күнү жаңы нерселердин баары келечекке зыян келтириши мүмкүн: көйгөйлөр жана чоң каталар күтүлөт. Өзүңүз билген нерсени жасаганыңыз жакшы. Арстан белгиси үчүн бүгүнкү гороскоп майда нерселерге акча коротууну сунуштайт, бирок чоң сатып алуулардан качышыңыз керек - сапаты жакпай калат.
Бийкеч
(24.08–23.09)
Бүгүн өзгөрүүлөр бийкечтердин эшигин кагат. Аларды ишенимдүү ачыңыз сизге көп кызыктуу нерселерди алып келет. Жаңы милдеттерден жана иштерден коркпоңуз - сиз баарын тез жана оңой жеңип үйрөнөсүз. Ошондой эле жагымыз сүйлөшүүлөр болушу ыктымал. Сиз аларга көңүл буруп, нервиңизди кетирбегениңиз оң.
Тараза
(24.09–23.10)
Таразалар үчүн дээрлик баары ал ойлогондой өтпөйт, бирок ага карабастан жакшы маанайда болуңуз, анткени кандай болгон күндө да баары жакшылыкка гана алып барат. Таразалар үчүн бүгүнкү гороскоп ишке көңүл бурууга кеңеш берет - сиз үчүн жаңы эшиктер ачылат. Кечти досторго арнаңыз - көңүлдүү убакыт өткөрүңүз.
Чаян
(24.10–22.11)
Бүгүн чаяндар фантазияга чөгүп кеткиси келет. Жылдыздар көп фантазияга батпоону сунуштайт. Көйгөйлөр жаралып калышы мүмкүн. Сүйүүдө да иллюзиялардан баш тартуу керек - балким, мамиле сиз ойлогондой күчтүү эместир. Чаян белгиси үчүн бүгүнкү гороскоп эч нерсени пландаштырбоо кеңешин берет анткени ал ишке ашпай калат. Өзүңдөн өтө эле көп нерсени талап кылба – сен адамсың.
Жаачы
(23.11–21.12)
Жаачылар өнөктөштөр жана потенциалдуу инвесторлор менен сүйлөшүүсү керек. Аларга өз идеяларыңызды айтыңыз, ийгиликке жетесиз. Бирок жакындарыңыз менен бир нерсени талкуулабай туруңуз. Бул сүйлөшүү идиштерди сындыруу менен аякташы мүмкүн. Жаачы жылдызынын бүгүнкү гороскобу бардык тапшырмаларды бир убакта колго алууну сунуштайт – азыр сиз көп тапшырманы аткара аласыз.
Текечер
(22.12–20.01)
Текечерлер майда нерселерге көңүл бурушу керек - алар адаттагыдай иштердин жүрүшүн бузуп коюшу мүмкүн. Бул күнгө план түзбөшүңүз керек - алар ишке ашпайт, кырдаалга жараша иш кылганыңыз жакшы, анткени бул жол менен ийгиликке жетүү мүмкүнчүлүгү көбүрөөк. Текечер белгиси үчүн бүгүнкү гороскоп туруктуураак жана чечкиндүү болууга кеңеш берет - бул сизге сиз ойлобогон чокуларга чыгууга мүмкүндүк берет.
Суу куяр
(21.01–19.02)
Суу куярдын кыла турган иштери өтө көп жана алар үчүн өтө аз убакыт бар. Андыктан артыкчылыктарды белгилеп, кийинкиге калтырууга болбой турган нерсени колго алганыңыз жакшы. Түшкү тамактан кийин сизге каалоо келиши мүмкүн – сиз жогорку ылдамдыкта көп нерселерди бүтөрөсүз. Суу куяр белгиси үчүн бүгүнкү гороскоп майда-чүйдөсүнө чейин кылдаттык менен карап чыгууну сунуш кылат.
Балык
(20.02–20.03)
Балыктар фантазияларга чөгүп, көйгөйлөрдү байкабай калгысы келет. Бирок бул эң жакшы жол эмес – сонун мүмкүнчүлүктөрдү колдон чыгарбай коюуңуз мүмкүн. Андыктан реалдуулукта калыңыз жана анда-санда гана иллюзияларга чөмүлүңүз. Балыктар белгисинин бүгүнкү гороскобу жумушта айланаңыздагы бардык нерсени көзөмөлдөөгө кеңеш берет – туура эмес эсептеп коюшуңуз мүмкүн. Ал эми бүгүн чечим кабыл албаңыз, ал жөнүндө эртең ойлонгонуңуз оң.
