Ат баспайм деген жерин миң басат... Блогер жоругу үчүн милицияга жеткирилди

7-июлда социалдык тармактарда мониторинг жүргүзүү учурунда Инстаграм баракчасынын активдүү колдонуучусу, жарандар, шаар ичинде катылган баалуу буюмдарды издеп чогулуп жатканы боюнча видео жарыялаган. Өзүн блогермин деп көрсөткөн жаран "тапсаң сеники" деген оюн уштурган.

"Бул видео жаштар арасында туура эмес таасир жаратып, инсандар аралык конфликттер же маданий карама-каршылыктарды алып келип, агрессияны жана сабырсыздыкты козгоп кээ бир учурларда чыныгы кагылышууларга түрткү болуп, адамдын психикасына да зыян келтириши мүмкүн", - деп билдирет Бишкек шаардык милиция.

Аталган факт боюнча тергөө иштери башталып, жыйынтыгында 1993-жылы туулган Ж.Ж. аттуу жаран аныкталып, Тергөө кызматына жеткирилди. Ал жаран менен түшүндүрүү иштери жүргүзүлүп, мындан ары коомчулукка терс таасирин тийгизген маалыматтарды социалдык тармактарга жарыя кылбоого убада берди.

Блогер өткөн жылы декабрда эле милицияга жеткирилип, бул иштерди жасабай тургандыгын айткан.