Түштүк Кореяда аптаптуу ысыктан 16 адам каза болду

Түштүк Кореяда катуу ысыктан 16 адам каза болду. Бул тууралуу бүгүн, 31-июлда Yonhap маалымат агенттиги Кореянын Ооруларды көзөмөлдөө жана алдын алуу агенттигине (KDCA) шилтеме берүү менен жазды.

"Бийлик ысыкка байланыштуу оорулардын мониторинг системасын ишке киргизгенден бери, тагыраагы май айынын ортосунан тарта тез жардам бөлүмдөрүнө жалпысынан 2,9 миң бейтап кайрылган. Булардын ичинен 16сы каза болгон", — деп айтылат маалыматта.

Мамлекеттик метеорология агенттигинин маалыматына ылайык, 30-июлга карата Сеул шаарында 2025-жылдын июль айы үчүн эң көп тропикалык түндөр катталды. Буга удаа аномалдуу ысык күтүлүп жатканы айтылды.

Фото: Интернеттен алынды