Израил Йеменден жасалган дрон чабуулунан улам Рамон аэропортун кайрадан жапты

Израил түштүктөгү Рамон аэропортун Йеменден жасалган дрон чабуулуна байланыштуу убактылуу жапты. Израил армиясынын маалыматына караганда, өлкөнүн түштүгүндөгү Арава өрөөнүнө бир дрон киргендиги аныкталып, сиреналар иштетилген.

Кийинчерээк армия чабуулдун тосулуп калганын, бирок сыныктар түшүп калышы мүмкүн болгондуктан коопсуздук чаралары күчөтүлгөнүн билдирди. "Israel Hayom" басылмасынын маалыматына ылайык, Эйлаттагы Рамон аэропортуна дрон киргенден кийин учууга жабылган.

Йемен тарабынан бул окуя боюнча азырынча комментарий бере элек.

Эске салсак, 7-сентябрда да Йеменден учурулган дрон Рамон аэропортуна тийип, бир киши жеңил жаракат алган учур болгон.

Автор: Жазгүл Жаңыбаева