Трамп Израил мындан ары Катарга сокку урбай турганын айтты

АКШнын президенти Дональд Трамп Израил мындан ары Катарга сокку урбай турганын билдирди.

"Алар Катарга сокку урбайт",- деп ишендирди ал Ак үйдө журналисттин Израилдин жаңы сокку уруу ыктымалдыгы тууралуу суроосуна.

Трамп Доха Вашингтондун жакын өнөктөшү экенин баса белгиледи.

Эске салсак, 9-сентябрда Израил Дохада жайгашкан ХАМАСтын лидерлери турган имаратка сокку урган. Катар бийлиги буга жооп болорун билдирген.

Израилдин премьер-министри Биньямин Нетаньяху кийинчерээк билдирүү жасап, Катарды уюмдун саясий бюросунун мүчөлөрүн өлкөдөн чыгарууга же аларды жоопкерчиликке тартууга чакырган. "Эгер андай болбосо, биз жасайбыз" деген Нетаньяху.

Фото: Интернеттен алынды