Алагөзов: "Кыргызстан Газадагы кырдаалды жөнгө салуу боюнча башталган процессти колдойт"

Кыргызстан Газа тилкесиндеги кырдаалды жөнгө салуу боюнча башталган процессти кубаттайт жана эл аралык укуктун принциптерине, Жакынкы Чыгыштагы тынчтык демилгелерин колдоого берилгендигин дагы бир жолу ырастайт. Бул тууралуу бүгүн, 9-октябрда президенттин маалымат катчысы Аскат Алагөзов билдирди.

"АКШнын президенти Дональд Трамптын тынчтык демилгеси, ошондой эле Египеттин, Катардын жана Түркиянын дипломатиялык аракеттери дүйнөлүк коомчулуктун кеңири колдоосуна татыктуу",- деп айтылат маалыматта.

Эске салсак, Израил менен ХАМАС жаңжалды жөнгө салуу планынын биринчи этабы боюнча келишимге бүгүн кол коюшат. Келишимден кийин Газа тилкесинде ок атышууну токтотуу режими күчүнө кирет.

Автор: Ширин Марат кызы