Каза болуп калышкан... Кара-Балтада эки өспүрүмдү сүзүп алган айдоочу кармалды

Кара-Балта шаарында эки өспүрүмдү сүзүп алган деген шек менен жүк ташуучу унаанын 69 жаштагы айдоочусу кармалды. Бул тууралуу Чүй облустук ички иштер башкармалыгы билдирди.

Маалыматка ылайык, кечээ, 13-октябрда болжол менен саат 18:30 чамасында Чапаев көчөсүндө жүк ташуучу унаанын айдоочусу 7 жана 8 жаштагы өспүрүмдөрдү сузүп кеткен. Жол кырсыгынын кесепетинен эки өспүрүм окуя болгон жерде каза болушкан. Тиешелүү соттук-медициналык экспертизалар дайындалган.

Бул факт боюнча Кылмыш-жаза кодексинин 312-беренесинин (Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу) менен кылмыш иши козголуп, айдоочу убактылуу кармоочу жайга киргизилди.

Учурда тергөө иштери уланууда.

Автор: Кылымбек Бейшеев
Фото: Чүй ОИИБ