Газада согуштан кийин миңдеген балдар билимсиз калууда

Палестинанын Газа секторундагы согуш миңдеген үй-бүлөлөрдү үйлөрүнөн ажыратып, адамдарды качкындар лагеринде жана мектептерде жашоого мажбур кылды.

Өлкөнүн саламаттык сактоо министринин маалыматы боюнча, 2023-жылдын 7-октябрынан бери 674 миң бала мектепке бара албай калган. Алардын 17 миңи каза болуп, 26 миңдей бала жаракат алган. Ал эми 982 мугалим жана мектеп кызматкери көз жумган.

Өкмөт азыр мектептерди кайра ачып, 600 миң окуучуну окууга тартууну пландап жатат, бирок орундардын жетишсиздиги жана мугалимдердин аздыгы чоң көйгөй жаратууда.

Автор: Замира Ниязбекова