Трамп Роналду менен "футбол ойногон" видеосун жарыялады (видео)

АКШ президенти Дональд Трамп Truth Social социалдык тармагында жасалма интеллекттин жардамы менен түзүлгөн видеону жарыялады. Анда ал белгилүү футболчу Криштиану Роналду менен футбол ойнап жаткандай көрсөтүлгөн.

"Роналду - сонун жигит. Аны Ак үйдө жолуктурганыма кубандым. Абдан акылдуу жана күчтүү адам",- деп видеого билдирүү калтырган Трамп.

Буга чейин "Аль-Наср" клубунда ойногон Роналду сүйүктүүсү Жоржина Родригес жана Сауд Арабиясынын мураскер ханзаадасы Мухаммед бен Салман менен АКШнын биринчи айымы уюштурган кечки тамакка катышкан.