Жапаров менен Путин бир катар документтерге кол коюшту (тизме)

Президент Садыр Жапаров менен Орусиянын президенти Владимир Путиндин Ынтымак-Ордодогу сүйлөшүүлөрүнүн жыйынтыгында бир катар эки тараптуу документтерге кол коюлду. Алар билим берүү, саламаттыкты сактоо, миграция, коопсуздук, экономикалык жана аскердик-техникалык кызматташуу жаатында өз ара аракеттенүүнү арттырууга багытталган.

Эки өлкөнүн лидерлери бүгүн, 26-ноябрда Союздаштык мамилелерди жана стратегиялык өнөктөштүктү тереңдетүү жөнүндө биргелешкен билдирүүгө кол коюшту.

Кол коюлган документтердин тизмеси:

Экономика жана коммерция министрлиги менен Орусиянын Экономикалык өнүгүү министрлигинин ортосундагы стратегиялык пландоо жаатында кызматташуу жөнүндө меморандум;
Министрлер кабинети менен Орусиянын өкмөтүнүн ортосундагы Кыргыз Республикасындагы жана Орусиядагы ички иштер жана миграция маселелери боюнча компетенттүү органдардын өкүлчүлүктөрүнүн укуктук статусу жөнүндө макулдашуу;
Кыргыз Республикасынын министрлер кабинети менен Орусиянын өкмөтүнүн ортосундагы Кыргыз Республикасында Орусиянын туңгуч президенти Ельцин атындагы Кыргыз-Орусия Славян университетинин кампусун куруу шарттары жөнүндө макулдашуу;
Министрлер кабинети менен Орусия өкмөтүнүн ортосундагы калктын санитардык-эпидемиологиялык бейпилдигин камсыз кылуу жаатында кызматташтык жөнүндө макулдашуу;
Саламаттык сактоо министрлиги менен Орусиянын Саламаттык сактоо министрлигинин ортосундагы кардиология жаатында өз ара түшүнүшүү жөнүндө меморандум;
Кыргыз Республикасы менен Орусиянын ортосундагы 2017-жылдын 20-июнундагы Аскердик-техникалык кызматташтыкты өнүктүрүү жөнүндө келишимге өзгөртүүлөрдү киргизүү тууралуу протокол;
“Кыргыз почтасы” ачык акционердик коому менен “Россия почтасы” акционердик коомунун ортосундагы ниеттер жөнүндө макулдашуу.