10дон ашык өлкөнү велосипед менен кыдырып, көпчүлүккө белгилүү болгон мекендешибиз Марат Ниязмат уулу Кыргызстанга сүйүктүүсү Люси менен келди. Бул тууралуу видеону ал социалдык тармактагы баракчасына жайгаштырды.
Ал буга чейин порталыбызга Африкага болгон саякаты, жеке жашоосу тууралуу маек берген. Анда Марат мырза Люси аттуу бийкеч менен Занзибарда таанышып, сүйлөшүп жүрүшкөнүн, мамилелери келишсе аны Кыргызстанга алып келери тууралуу дагы айткан.
Видеодо саякатчы мырзанын апасы Люсиге ак жоолук салып, кыргыз салт-санааларын колдонгонун көрүүгө болот.