Бишкек шаардык милициясы синтетикалык баңгизаттарды сатууга шектелип 24 жаштагы жигит кармалганын билдирди.
Маалыматка ылайык, шектүү кечээ, 7-январда Тоголок Молдо көчөсүндө баңгизаттарды катып жүргөн жеринен колго түшкөн. Тинтүүдө анын жанынан синтетикалык баңгизат салынган 5 даана түйүнчөк табылган. Ал баңгизаттарды Telegram мессенжери аркылуу алып, аларды кайра таркатып келген.
Шектүү жигит баңгизаттарды каткан дагы 14 жерин көрсөтүп берген. Ал убактылуу кармоочу жайга киргизилип, учурда тергөө иштери жүрүүдө.