Ак-Суу районунда 15 жаштагы кызга ыдык көрсөтүүгө шектелип 19 жаштагы 2 жигит кармалды. Бул тууралуу бүгүн, 10-январда Ысык-Көл облустук милициясы билдирди.
Маалыматка ылайык, 4-январда милицияга кайрылган 50 жаштагы Каракол шаарынын тургуну кызы 2-январдан бери дайынсыз болуп жатканын айткан. Издөө иштери жүргүзүлүп, жашы жетелек кыз табылган. Натыйжада кыз апасы менен бирге суракка алынган. Анда ал 7-январда Ак-Суу айылындагы үйлөрдүн биринде зордук-зомбулук көргөнүн билдирген.
Жашы жете элек кызга соттук-медициналык экспертиза дайындалып, аталган факт боюнча Кылмыш-жаза кодексинин 157-беренеси (Он алты жашка толо элек бала менен сексуалдык мүнөздөгү аракеттер) менен кылмыш иши козголгон.
Шектүүлөр колго түшүрүлүп, суракта алар күнөөлөрүн моюндарына алышкан. Алар камакка алынышты. Учурда тергөө иштери уланууда.