АКШ Венесуэлада өндүрүлгөн мунайды Орусия жана Кытайга сатууга даяр. Бул тууралуу АКШнын президенти Дональд Трампка шилтеме берүү менен чет элдик басылмалар жазышты.
Трамптын айтымында, аталган өлкөлөр керектүү көлөмдө мунай ала алышат.
Ак үйдөгү жолугушууда Exxon Mobil, ConocoPhillips жана Chevron компаниялары Венесуэлага кеминде 100 миллиард доллар инвестиция салууга даяр экенин билдиришкен. Трамп АКШ менен Венесуэланын жаңы өкмөтү мунай тармагында кызматташа баштаганын да белгилеген.
