
Сузак районунда жубайын өлтүрүүгө шектелип 35 жаштагы жаран кармалды. Бул тууралуу бүгүн, 12-январда Жалал-Абад облустук милициясы билдирди.
Маалыматка ылайык, 3-январда шектүү өзү милицияга телефон чалып, 28 жаштагы жубайын пикир келишпестиктен улам өлтүрүп алганын айткан. Аталган факт боюнча Кылмыш-жаза кодексинин 122-беренеси (Адам өлтүрүү) менен кылмыш иши козголгон.
Тергөөдө шектүү Орусияда эмгектенип жүрүп, 2-январда үйүнө кайтып келгендигин жана жубайы менен пикир келишпестик жаралып, аны бычак менен бир нече жолу көкүрөккө сайып салганын айткан. Маркумдун жансыз денесине карата соттук-медициналык экспертиза дайындалган.
Шектүү камакка алынды. Учурда тергөө иштери уланууда.